അങ്ങിനെ ഖുറൈശി സദസ്സില്‍ ചെന്ന് വിവരം അവരോട് പറഞ്ഞു.ഇത് കേട്ട അവര്‍ ശക്തിയായി ഇതിനെ നിഷേധിക്കുകയും പരിഹസിക്കുകയും ചെയ്തു.ഒരു മാസത്തെ വഴി ദൂരമുള്ള ബയ്ത്തുല്‍ മുഖദ്ദസില്‍ ഒറ്റ രാത്രി കൊണ്ട് എത്തി എന്നത് അവര്‍ക്ക് ഒരിക്കലും വിശ്വസിക്കാനായില്ല.ഇത് കേട്ട ചില ദുര്‍ബല വിശ്വാസികള്‍ വരെ സംശയത്തിലായി.ഖുറൈശി പ്രധാനിയായ മുത്ഇം ഇബ്നു അദിയ്യ് പറഞ്ഞു:ഈ വാര്‍ത്ത വച്ച് നോക്കുമ്പോള്‍ ഇത് വരെ നീ പറഞ്ഞതെല്ലാം വളരെ നിസ്സാരമാണ്,നീ കള്ളനാണ് എന്ന് ഈ വൃത്താന്തം തെളിയിക്കുന്നു.ബയ്തുല്‍ മുഖദ്ദസില്‍ എത്താന്‍ ഒരു മാസവും തിരിച്ചു വരാന്‍ ഒരു മാസവും വേണം എന്നിരിക്കെ നീ ഒറ്റ രാത്രി കൊണ്ട് പോയി മടങ്ങി വന്നുവെന്നോ?ലാതയും ഉസ്സയും ആണേ സത്യം ഞാന്‍ ഒരിക്കലും നിന്നെ വിശ്വസിക്കില്ല.
വിശ്വാസികളെ മടക്കി കൊണ്ട് വരാന്‍ ഇത് നല്ല ഒരു അവസരമാണ് എന്ന് മനസ്സിലാക്കിയ ഖുറൈശികളില്‍ ഒരു വിഭാഗം ഉടന്‍ അബൂ ബകര്‍ (റ)ന്‍റെ അടുത്തു ചെന്ന് ഈ വൃത്താന്തത്തെ കുറിച്ച് പറഞ്ഞു( അബൂ ബകര്‍ (റ) ഈ വിവരം നേരത്തെ അറിഞ്ഞിട്ടുണ്ടായിരുന്നില്ല).ശേ
ഇതേ സമയം തന്നെ ഖുറൈശികള്‍ നബി(സ്വ)യെ പരീക്ഷിക്കാന്‍ തീരുമാനിച്ച് ബയ്തുല്‍ മുഖദ്ദസിന്റെ രൂപം വിവരിക്കാന്‍ ആവശ്യപ്പെട്ടു.(അവരില്‍ മുമ്പ് ബയ്തുല്‍ മുഖദ്ദസ് കണ്ട ആളുകള്‍ ഉണ്ടായിരുന്നു,നബിയാണെങ്കില്‍ മുമ്പ് അവിടെ പോയിട്ടും ഇല്ലായിരുന്നു).അപ്പോള്‍ അല്ലാഹു അത് നബി(സ്വ) മുമ്പില്‍ പ്രദര്‍ശിപ്പിച്ചു.നബി(സ്വ) ഓരോന്നും കൃത്യമായി വിവരിച്ചു കൊടുത്ത്.പിന്നീടവര്‍ അവരുടെ കച്ചവടസംഘം എവിടെയെത്തിയെന്നും എപ്പോള്‍ മടങ്ങിയെത്തുമെന്നും ചോദിച്ചു. സമയം കൃത്യമായി പറഞ്ഞതിനു പുറമെ ആദ്യം എത്തുന്ന ഒട്ടകത്തക്കുറിച്ചും പറഞ്ഞുകൊടുത്തു.സംഭവങ്ങളെല്ലാം പറഞ്ഞതുപോലെത്തന്നെ പുലര്‍ന്നു. ഒന്നും നിഷേധിക്കാനാവാത്ത അവര്‍ വിശ്വസിക്കാന്‍ വിസമ്മതിച്ചു.ഇത് മായാ ജാലം ആണ് എന്ന് പറഞ്ഞു ഒഴിഞ്ഞു മാറി. എല്ലാവരും ഇതത്രയും കളവാക്കുകയും തള്ളിപ്പറയുകയും ചെയ്തപ്പോള്‍ സംശയലേശമന്യേ വിശ്വസിക്കുകയും അംഗീകരിക്കുകയും ചെയ്തതിനാലാണ് അബൂബക്കര്‍(റ)വിന് 'സിദ്ദീക്വ്' എന്ന് പേരുവന്നത്.
ഈ പ്രഭാതത്തില്‍ തന്നെ ജിബ്രീല്‍ നബി(സ്വ) അടുത്തു വരുകയും നിസ്കാരാത്തിന്റെ രൂപവും സമയവും പഠിപ്പിച്ചു കൊടുക്കുകയും ചെയ്തു.ഇതിനു മുമ്പ് ഇബ്രാഹീം നബി(അ) യുടെ നിസ്കാര രീതിയാണ് നബി(സ്വ) പിന്‍തുടര്‍ന്നിരുന്നത്.